A Xunta comeza as obras de saneamento de Santa María de Melide, que suporán un investimento de 116.000 euros
18.02.2020
- Augas de Galicia adaptou o proxecto ás exixencias do Ministerio de Fomento
- As obras dotarán a parroquia dun novo sistema de saneamento que recolla as augas residuais urbanas naquelas vivendas carentes deste servizo e as conecte coa rede xeral
- A Xunta proxectará outra actuación á marxe deste contrato para darlle unha solución de saneamento axeitada a unhas vivendas situadas a una notable diferenza de cota con respecto ás demais
- Augas de Galicia adaptou o proxecto ás exixencias do Ministerio de Fomento
- As obras dotarán a parroquia dun novo sistema de saneamento que recolla as augas residuais urbanas naquelas vivendas carentes deste servizo e as conecte coa rede xeral
- A Xunta proxectará outra actuación á marxe deste contrato para darlle unha solución de saneamento axeitada a unhas vivendas situadas a una notable diferenza de cota con respecto ás demais
A Xunta vén de reiniciar as obras de saneamento na parroquia de Santa María, en Melide, que suporán un investimento autonómico de máis de 116.000 euros, logo dunha paralización de preto de 9 meses debido ás condicións impostas polo Ministerio de Fomento unha vez iniciadas as obras. Augas de Galicia tivo que paralizar a execucción do contrato para adaptar o proxecto ás esixencias marcadas polo Ministerio.
A Consellería de Infraestruturas e Mobilidade, a través de Augas de Galicia, cofinanciará os traballos con fondos europeos FEADER, no marco do programa de desenvolvemento rural 2014-2020.
Os traballos consisten na construción dun sistema de algo máis de 1,4 km de lonxitude que recolla as augas residuais urbanas naquelas vivendas carentes deste servizo e a súa conexión a rede xeral existente. A parroquia de Santa María conta na actualidade cunha rede de saneamento na área que discorre pola marxe esquerda da estrada N-547 en dirección Santiago. Para mellorar esta situación, a intervención abarcará actuacións nas marxes esquerda e dereita da vía.
Nesta zona existen unhas vivendas situadas a una notable diferenza de cota con respecto ás demais, polo que se proxectará outra actuación á marxe deste contrato co fin de darlle unha solución de saneamento axeitada ás súas características.
Esta actuación enmárcase na cooperación da Xunta cos concellos galegos co obxectivo de que a cidadanía dispoña de servizos axeitados, especialmente á hora de garantir a calidade de vida dos veciños do rural.
A portavoz municipal, Dalia García, "agradece o esforzo da Xunta de Galicia que segue a cumprir cos seus compromisos en Melide, incrementando os fondos, xa que executará un segundo proxecto para darlle solución ás vivendas que non están incluídas nesta fase". A edil popular, non esquece tampouco a cooperación veciñal, sen a cal era prácticamente imposible levar a cabo un proxecto destas características.
Deixamos a ligazón á nova publicada no xornal El Correo Gallego no día de hoxe.